煮日學

又放假
得閒冇野做，唯有又整野食
今日整左四樣，你地鍾意食邊樣呢？

菊花杞子桂花果凍

今次唔用大菜糕用魚膠粉，質感好好多
而且菊花，桂花跟杞子的份量adjust過
呵~有進步！

自製豬肉乾 (兩味)


買左13蚊碎豬肉
尋晚只用咗三分一
今日做埋另外兩份
左面的是黑椒味，右面的是咖喱味
以後都唔駛出去買豬肉乾喇~
自己整仲好食，而且冇防腐劑

特色雞亦

我好鐘意食雞亦
尋晚在網上看到這個「特色雞亦」的食譜
好好味喔~
下次去燒野食可以再做這個

薑汁撞奶

首次試做薑汁撞奶
有啲緊張，好驚失敗
做法是根據江獻珠在「飲食男女」所教的微波爐做法
簡單易做，又唔駛洗煲
結果，得咗！成功喇~

茄喱啡的由來

陶傑認為，茄喱啡是從英文Carefree這個字直譯過來
名字有點像衛生巾
陶傑說：「梗係，茄喱啡同衛生巾一樣，都係攝吓攝吓！」
「不過都有啲唔同，衛生巾總有日會紅，茄喱啡一世都唔紅！」

不再皺皮

半夜三更，鬼打咁精神
焗了這個日式芝士蛋糕

今次好成功喔！
冇皺皮，好靚仔喔~

自製豬肉乾

低成本，超好味的小食
這個是叉燒味
下次試下其他味道先…

又係新玩具

這個也是用新買來的啫喱模做的
菊花杞子桂花大菜糕

看到那些白色一條條嗎？
起初以為是菊花，原來是未融的大菜絲
實在太失敗了！！！

買玩具

趁假期
到二德惠買玩具
買了好多烘焙工具及食材

今晚弄的這個Tiramisu
就是用二德惠買的Tiramisu粉作的
成本比以原材料Mascarpone Cheese來做平得多呢！味道也不賴喔~

盛Tiramisu的布甸杯也是今天買的：

Chocolate Muffin

下午訓醒覺又身痕想整野食
焗左四個朱古力muffin

你睇，佢地脹到好攪笑~

又病喇~

講緊o既係佢呀…
尋日仲好地地
夜晚就發燒喇~

好擔心呢…

外面下著雨…

這樣的天氣教人昏昏欲睡
稍後還要出發上通宵班呢

讓我好好眠一眠…

桂花果凍

今日再做多次桂花拉糕
依然失敗…

為了安慰自己
最後做了這個果凍

假期煮食篇

放假冇節目，所以今夜的晚餐由我負責：


烤麩
(此仍得力之作。平時出街食上海菜，多數都會叫烤麩。原來做法唔太難咖咋。反而係去搵地方有得賣烤麩最難。味道同出面食到O既一樣咖~)


咖喱豬肉片
(全靠鵝頸橋街市的財合利的咖喱胆，令這個咖喱變得超級好味道~)


金針雲耳蒸雞
(無難度。)


桂花拉糕
(色、香、味、都有。但係其實呢個首次試做的甜品是失敗了的。由於沒有找到詳盡的Recipe，份量是自己估估吓的。結果蒸完出來，阿妹話質感似鬼口水…)

馬豆糕
(今次將材料用的脫脂奶變成花奶，味道更濃香滑。Yummy~)

蜂蜜蛋糕

Sponge Cake一向都是我的弱項
焗出來的蛋糕不是發得不好，便是很醜樣
今夜做的這個蜂蜜蛋糕
不算太成功，
雖然外表看來很美
味道也不錯
可惜，濕了一點。

最搞笑是，當蛋糕焗好後，立刻倒扣好讓蛋糕不會塌下來
但，過了不久，蛋糕便自己脫模而出
「倒」了在檯面…

New York Cheese Cake 加強版

今次跟足Recipe的分量再做一次
賣相靚仔咗
個個食過都讚啊！
呵~呵~

未來奶奶的試探

未來奶奶：你平時煮唔煮嘢食咖？
clampclamp：有咖，伯母。我最鍾意整甜品。
未來奶奶：咁煮餸呢？識唔識煮餸呀？
clampclamp：都ok咖。
未來奶奶：(喃喃自語地)咁都好d…
(我諗，佢擔心佢個仔以後冇人煮飯過佢食呱…)

放心啦(未來)奶奶，我就算煮唔到一餐好飯俾佢食，都起碼整到個合格的甜品o既 ^_^

New York Cheese Cake

很認真地在網上看完一整個有關做New York Cheese Cake的討論版
決心「第一次就要成功」地做出New York Cheese Cake

為了慳家，只買了一盒250g的Cream Cheese
其他材料自然合比例地減少了
所以整個Cheese Cake看來像比平時見到的矮小
但，它的味道絕不遜色哦~

數「毒」

像上了癮一樣
迷上了Sudoku (數獨)
上班玩，看報紙時玩，睡覺前又玩…
終於，連發夢都在玩著

我正式中了數「毒」！！！

Lego世界中的旺角

Ice Cream Muffin

做法簡單得像「生活智慧王」裡的"大廚到你家"一樣~
只要你有一個焗爐
雪糕+自發粉+小許糖
然後焗20min就ok了~

心太軟

太好味喇~
所以一定要公開個recipe：

(2人份 )
無鹽牛油 - 50g
朱古力 - 60g
蛋 - 1隻
蛋黃 - 1隻
麵粉 - 1茶匙
糖 - 35g


Step1: 焗爐預熱至230度。隔水坐融朱古力+牛油
Step2: 蛋、蛋黃及糖打至厚身
Step3: 將蛋漿加入朱古力中打勻，快手加入麵粉並攪至混合
Step4: 蛋糕杯中抹上小許牛油及輕輕掃上小量麵粉後，倒入朱古力掍合物
Step5: 焗約6-7分鐘，即成！

人靠衣裝

未修飾之前，酥皮皺晒皮，好肉酸…


修飾後，引死人~

首次試做 ：馬豆糕

我懷疑我訓唔著就身痕想煮嘢食
屋企得我一個
今日竟然做左兩種意粉加一大盆糕點

長通粉兩味

通宵工作回家
睡了四小時
精神奕奕地做茶餐
順便準備明天的lunch box

三八婦女節

食米線食上癮
今日去咗荃灣「雄記牛腩粉麵」



左起：咸菜大腸炸醬米線(HKD25) & 咸菜麻辣肚絲春卷米線(HKD27)

這裡的春卷(右上角) 其實是炸魚肉，形狀好似孖膶腸，好得意。

食飽飽就要做下運動，實行減肥計劃
天氣咁好，梗係去行山啦~
人在荃灣，首選城門水塘






回家途中，我地喺地鐵遇上「青衣朱茵」

(Tsing Yi Chu Yan)

雲南風味

雲南氣鍋雞HKD58

作為這裡的忠實Fans
我不得不跟你介紹它的雲南米線

這裡晚晚爆場
是夜閒日
晚上八時許
門外等位的人仍有七八個
店內坐滿客人

次次都只order米線
今次試下鎮店之寶：氣鍋雞
以為氣鍋雞是有湯的
原來這裡的氣鍋雞是沒有湯
不知是否這原因
所以味道咸左d
但其實已經很不錯了
木耳吸滿雞的精華
雞肉亦很滑溜

兩個人叫左一客氣鍋雞 & 三味米線
已經好夠飽囉~

電鬚刨起死回生術

Sudoku

病愈上班
給了份「優差」我
呆坐了三個小時

幸得同事借出Sudoku機一部解悶
報紙日日有刊出
但我都係第一次玩
都幾得意呀
可以動動腦筋

回家急不及待
下載進Palm
以後搭車悶悶地可以玩下 ^_^

又病喇~

年紀大機器壞
以前後生一年先病一兩次
依家兩個月就病一次
係咪返得shift多
個人身子就差呢？

喉嚨痛到火燒咁
成晚訓唔著

去左睇醫生

佢仲利害
發燒添
結果齊齊請病假
d人唔知會唔會以為我地夾定請病假呢…

果然係「金」

等我搬屋時揀下邊d啱我五行的傢俬先

Sitooterie