前世後世都係工人？！
今生衣祿：極多機會接近權威，個性固執，白手興家。
前生從東州來本姓羅，為：擔屎唔偷食夜香工人
後世去杭州邱家托生，為：搬運工人今生性格似綿羊
你的性格有如一隻綿羊，做事講求實際，沒有花巧和造作，最怕是一個人無無聊聊的時侯，所以喜歡廣結天下朋友，不過，有時為了找傾訴對象，就不考慮時機是否適當，對方忙碌的時候，難免對你隨便敷衍一番了。戀愛方面，喜歡成熟型對象的異性會對你特別有好感。 <== 咁講係咪即係話我老呢？
今生衣祿寓意詩
「三月生人遇貴人，為人慈善更聰明，逢豬遇鼠成家業，衣祿安然到老年。」生於卯時末，時來走途東，辛苦家庭好，無災時運日，財祿積門庭。呢d係咪就係所謂「前世捱苦今世享福，今世享福後世捱苦」？
鳴謝冬冬介紹的三世緣
自製斑蘭蛋糕
買唔到新鮮的斑蘭葉
唯有買斑蘭糖粉代替
焗出嚟冇咁鮮綠
味道算合格啦
之但係點解次次焗都係皺皮呢？
環保小先鋒的喜訊
香港人每年平均用1,700個膠袋
比起英國人每年平均用133個超出好多好多
財爺來年的財政預算提出了開徵車胎稅及膠袋稅
目的除左增加稅收外
最重要是作為一個Financial Incentive
推動環保、減少產生廢物
你冇去過堆填區
你唔會知香港的垃圾問題已經去到水深火熱當中！
大家再唔做d野，堆填區真係滿瀉咖喇~
要你每個膠袋俾一蚊
我諗，大家真係會諗下駛唔駛用咁多膠袋喇。
駛唔駛咁旺呀…
問左幾間都冇位真係要等明年先有得搞喇…
久違了的味道
蔡瀾介紹過山林道的一間小店：「有星味」
店子小得很，大約只能容納十多二十位客人
但小店的好處是服務比較好 ^_^我們點了兩個餐 (HKD35@)
包一碗麵、一份小食及飲品
選擇了「街坊喇沙」、「香茅雞亦魚湯米」、「烏打」& 「沙嗲串燒」
飲品則要了Lime Soda
喇沙不會太辣，味道夠濃，很好！「烏打」是魚肉打成膠再混合調味料，沒有想像中的吸引香茅雞亦魚湯米& 串燒只是一般最喜愛的還是最後的甜品：班蘭蛋糕濃香的椰汁味，質感很鬆軟 Yummy~~~我自己都試試做先 …
晚飯選擇了這間久違了的店子
發現環境雖然沒有太大變化
侍應仍然全部是伯伯/阿嬸
但服務反是好了不少 Order了最愛吃的鱔糊客飯&八寶辣醬客飯送例湯埋單HKD72好滿足~
晚上
第一次在晚上看到這噴泉
沒有音樂
水隨著燈光在跳動
我註足看了良久
擦地都可以拎奧運金牌
睇有線冬季奧運會
真係學到好多野
今晚有Curling
中文叫冰壺
玩法我都唔係太清楚
大概係兩隊人作賽
場地當然是冰場，盡頭地面有個像箭靶的區域
冰壺是個扁扁圓圓的大理石
表面滑不流手 每隊輪流推出自己的冰壺然後其中兩位隊員用支好似掃把的工具在冰壺前一路擦一路向前進 (但不可碰到冰球)
用friction的原理 (我估)把冰壺滑到箭靶區域內途中冰壺不可碰到冰場兩旁每隊有若干數目的冰壺輪流推出得分方法是最後所有冰壺已推出後哪一方的冰壺最接近箭靶的中心這球隊便可以藉由進入箭靶區域的冰壺數目而得分 除了技術及合作性外玩Curling都幾講策略咖縱使你推到個冰壺入箭靶區域輪到人地推時，可以把你的冰壺推走自己的就留在箭靶區域我覺得冰壺最好睇之處就係好似睇緊兩個人喺度狂擦地板咁佢地真係好似我公司的清潔阿姐連衣著都有d似…
我們的十二巻
跟他第一個約會，他送了我這個
這一年裡
它在充滿愛心和耐性的環境下成長著我終於打破了種野必死的宿命
年廿都仲有利是收喔~呵~呵~
是日世伯生日兩手空空的我沒有準備生日禮物反而收到世伯跟婆婆的大封利是回家才想起今年收到的利是還沒有處理好！來個大晒冷吧！經濟果然是復甦了喇~今年的「收入」不錯喔~
情人節禮物
早前在City Super 的Valentine's Corner看到許多盛曲奇的禮物包
成堆妹妹仔圍住揀呀揀
事實上，這裡的禮物包全部都美得很
我雖然已經唔係妹妹仔
亦買了情人節禮物
還是忍不住選了一個藍色的曲奇禮物包
回家自製了多款Sweet Sweet的Cookies作為情人節追加禮物
我想，男人收到這些Sweet Sweet Cookies
無論是妹妹仔送還是我這些「姐姐仔」送
都會覺得Sweet Sweet ^3^
禮盒內有：心心曲奇兩款 (有朱古力coating及原味)，Blueberry Muffin，芝士香草餅(咸的)，提子干曲奇，& 朱古力一粒
全部自己整咖！雖然冇乜難度，但要整咁多款，時間同心機更重要
包裝埋係咪仲靚呢！
我見佢收到這份禮物時，雙眼發光喔~
峇里風情
早前的飲食男女介紹過一間印尼餐廳叫峇里
今天特意去了試試
這裡裝修有點陳舊
但很有節日氣氛
四周掛滿彩帶、閃燈及Happy Birthday 的字句
可惜忘了帶影機
又不能把這裡的美食跟大家分享了…
我們點了：
(1) 黃薑飯
(2) 沙嗲串燒半打
(3) 加多加多
(4) 粟米餅
(5) 珍蜜冰 埋單約二百三十
要比較的話，我覺得這裡的菜式比「好時」更美味
黃薑飯是必食之選
碟頭飯Size，碟邊圍上了許多配料(e.g.巴東牛肉、不知名的香料雞，不知名的另一種香料魚，etc...)
份量十足，而且每樣配料都極之好味
串燒相信是用炭爐燒的
因為那陣炭燒的香味很濃郁
肉質鬆軟
沙嗲醬較甜
男友話「好時」的好味d喎…
加多加多是點菜時侍應伯伯建議的
我地本想order蝦醬炒菜
佢解釋佢地的蝦醬是印尼黑黑的那種
味道大概會太濃
所以建議我們要加多加多
心想，其實加多加多都好濃味喎
但上菜就知這裡的加多加多醬汁方面不是太深太濃
可以食到蔬菜的清甜味道
粟米餅是另一招牌菜
跟泰菜那種撈了蝦膠的粟米餅不同
這裡的粟米餅是以麵粉混和的清新很多，沒有那麼膩口珍蜜冰是珍多冰的增值版就是加了菠蘿蜜(大樹菠蘿)再加椰糖太太太甜了…最後要哥仔同我加冰加了兩次先可以飲到不得不提這裡的服務態度
雖然環境陳舊
但伙記位位都很好聲氣
有個哥仔知我覺得杯珍蜜冰太甜
仲問我駛唔駛再加冰添 ^_^******************************是日預祝情人節特意到這裡是因為怕了高級餐廳的超搵笨收費我地講心唔講金咖嘛 ^0^ ******************************
Desperate Housewives
很快便看完LOST Season 1 及Season 2 第一集至第12集
唔知等到幾時d迷底先至全部解開
聽講Desperate Housewives在美國非常受歡迎
故事主要圍繞一班師奶的生活趣事
幾好笑
Sex & The City 講一班三十幾歲的單身女人的趣事
Desperate Housewives就講一班同樣三十幾/四十幾歲的已婚/失婚女人的趣事
這齣電視劇中文譯作「靚太唔易做」
我覺得基本上
做女人都係唔易o既…
Happy Anniversary - Part 2
為慶祝一週年紀念他帶我到一年前約會的餐廳 - The Swiss Chalet去年我們沒有order最出名的芝士火鍋今次補番數頭盤 - 什錦風乾肉& 烘芝士主菜 - 菠菜雞肉芝士火鍋一客 甜品 - 三角朱古力火鍋兩客另再order了一杯Hot Rose-dip Tea with Honey 及一杯Iced Peach Tea頭盤的烘芝士(唔記得英文叫咩喇~)超好味如果你有睇過早前飲食男女的芝士專題你一定知我講邊種烘芝士就係成舊芝士烘熔表面，然後刮出面層熔掉的芝士上碟配酸瓜喬頭食極之惹味！另外，這裡的芝士火鍋絕對值得一試款式有許多主要分有酒精及無酒精兩大類建議order無酒精的 因為有酒精的會有苦味鄰座的情侶明顯地唔知道，order了有酒精的食得好辛苦咁樣…跟火鍋上的有麵包、雞肉及什菜一客的份量足兩個人食可惜芝士份量唔太多最後芝士食晒，但食剩了麵包食完火鍋後曾經猶豫是否order朱古力火鍋做甜品(HKD60一客，重要最少order兩客)但係又心郁郁好想試最後本著試一次咁多的心態叫了兩客食過便知道我們的決定是正確的雖然這一餐看似好heavy但係真係好好好好味價錢亦比想像中平 (~HKD610)我諗以後我會試下自己o係屋企整芝士火鍋同埋瑞士三角朱古力火鍋因為真係好味到再三回味可惜沒有帶相機沒法把美味跟大家分享 ~
Happy Anniversary
等我又學下人地咁肉麻先。。。
今天是我跟honey的anniversary縱使昨晚honey要返通宵都急不及待搭正零時sms再煲住電話粥來慶祝情話綿綿，唔捨得收線 因為要返工沒法在正日跟honey見面但今天上班時在locker收到honey給我的情信讓我好感動喔！同事無意中發現一些東西我都沒法掩飾心中的喜悅一一的道來。。。親愛的：謝謝你把幸福帶來給我並承諾與我一起擁著幸福過未來的每一天
LOST
近日瘋狂地迷上外國電視劇集
當中最吸引我的是"LOST" 故事發生在一個荒島一班從悉尼到洛杉磯的航機發生意外四十多個生還者流落到迷一樣的荒島
遇上許多怪事每一集每一段都有新的疑團叫你很想看下去追溯當中的迷底好想知道那些生還者最終可否被拯救看罷第一輯已經急不及待看第二輯了可惜暫時只有十二集好怕看完十二集又要心急等十三集…所以好想追看下去卻又好怕看得太快沒得看…
放假喇~~~~
終於都返完四日工
可以放一日假喇~~~
當大部份人都放左四日農曆新年假期
而我就由年初一至初四都要返工
實在覺得有點不是味兒...
今日終於有時間把逗到的利是盤點一下
有二千幾蚊呢！
沒有積極逗利是
還是有這麼多
證明經濟真的復甦了 ^0^
