美心芝味++什啤梨蛋糕

嘿~ 好多層耶~
超好味道！
芝士味沒有想像中的重
我一口氣吃了差不多1/4個呢~

HAPPY BIRTHDAY TO MY DEAREST 媽媽~
祝
幸福快樂
身體健康！

虛榮

近來都為了儲錢去旅行而減少了消費
很久沒有買新衣服、化妝品、護膚品
雜誌上的華衣美服、護膚新產品
都只是看的份兒

這陣子卻因為看上了iPod nano
心裡總是想買
可是
我其實是很少聽歌的
自己的Palm亦已經可以聽mp3了
再買一部iPod實是多餘…

那為什麼還是很想擁有呢？
我想，這就是所謂的虛榮吧

好高興見到你

人呢？

大概昨夜煲爉玩得太晚
還沒有起床

又是「好時」

是夜做節
為了介紹美味的串燒給爸媽
特別訂了枱再到「好時沙嗲」
試了新菜：巴東牛肉、咖喱蝦、蟹汁炒蛋、星洲炒蘿蔔糕
可能因為全部的菜式味道都比較濃
所以吃得有點膩
依舊叫人回味的沙嗲
飽到死都仲要食的椰汁辣飯
好夠鍋氣炒辣通菜
新菜嘛…
只是一般級數
巴東牛肉沒有「印尼餐廳」的香，牛肉亦煮得太爛
咖喱蝦沒有「香辣屋」的好吃，用的大頭蝦也不夠鮮味，份量少少價錢卻要HKD80，唔抵食
本以為蟹汁炒蛋會好惹味，點知一o的蟹味都冇…
星洲炒蘿蔔糕其實幾好味，可惜我地叫得太多濃味食物，所以都唔覺得太突出

我諗，冇一間餐廳可以做到樣樣菜式都超好味
但只要有一兩樣教人諗起都想去食的菜式就足以留住客人囉~
「好時」的沙嗲就是我的favorite
諗起又想去食了 =)...

越南生牛肉河

妹妹剛從河內Trip回來
我問她有沒有試越南生牛肉河
她說：「最好吃的生牛肉河在溫哥華！」

我是不太喜歡吃牛肉的
怕那陣羶味及腥味
但有時候也會吃肥牛
第一次吃越南生牛肉河，是在溫哥華
那是個冰冷的冬天
一碗熱騰騰的生牛肉河
美味得叫人回味
那時候﹐當車子駛過有"Phoo"字的店子
我就會流口水

今天到了觀塘APM取一早訂好的東西
卻因為大意，貨還沒有到
白行了一趟
肚子餓了
走上Food Court
看到「越南西貢」這食店
想起了溫哥華的越南生牛肉河
叫了一碗當午餐
結果
還是同意妹妹的comment

最好吃的越南生牛肉河在溫哥華！


生牛肉河HKD28

今天的月亮

今天的月亮…

是心型的

自制日式冷麵

自制價~HKD6
如果加埋其他配菜(e.g.天婦羅、蟹柳)會更加好~

討厭的同事

對於那些不太盡責，凡做事得過且過的同事
我是十分討厭他們的

一份工作，由於分早晚兩更共三個同事當值的
有人就得過且過
盡量不做那些不急的工作
好等下更的同事接手做
自己就偷懶

這位同事資歷頗深
可是，當我問到他做一個report有沒有問這個問那個時
他竟然答我：「我不嬲都唔做咖喎…」
當我又解釋一定要做的原因給他聽
他就支吾以對，然後施施然的下班了！

收入比一般人高許多
但做事馬虎，態度輕浮
我真係好睇唔起你呀~~~~

咖喱腰果

今日意外地在「零食物語」發現有得賣呢隻咖喱腰果
而且仲有另一隻味：辛味腰果
不過好貴喔！要HKD32一包！
未捨得買
遲d先試另一種口味啦~

十三個

對著鏡子數
總共有十三個拔罐印子在背上…


註：這個背脊不是我的

北上尋歡

是日例假
約定媽媽跟表弟北上尋歡
重點節目當然是按摩囉~

不過按摩之前就鬧出個笑話
話說，早前蘋果日報曾報導一間深圳新開的按摩中心很豪華
跟媽媽提起
她說：「我都去過啦！叫『大富豪』嘛！等我下次帶你去啦…」
於是，我就本著「有人帶路實冇死」的心態跟她去了一趟
上了的士，司機說未聽過「大富豪桑拿」
於是媽媽就又說：「就是在乜乜路附近，乜乜乜前面…」
司機於是試試去兜兜看
終於看到了一個大大的招牌寫著「大富豪」
下了車，才發現這是「大富豪酒家」
而媽媽的表情又是一頭霧水…
四圍問人也沒有一個人知道哪裡是「大富豪桑拿」
我們三個在烈日下毫無方向地在「大富豪酒家」附近走了兩趟都沒有找著
只有一間叫「鴻泰洋水療按摩中心」的新店

媽媽推說是上次跟她的師奶朋友一起來
只知道她們跟司機說「大富豪桑拿」在乜乜路附近，乜乜乜前面…
就去到了
究竟那裡是不是叫「大富豪桑拿」，她其實也沒有太多印象的

最後她認真的看看「鴻泰洋水療按摩中心」的正門
直至走到人家的接待大堂才猛然發現，這裡就是了 (-_-")

走了很多路，一身大汗
先來個淋浴，再焗桑拿，再浸了個當歸浴池
乾乾淨淨就可以去大堂了
這裡的大堂所有休息的椅子都是自動按摩椅
而且有獨立的LCD電視喔~
好舒服地一邊享受腳底按摩(HKD48/hr+HKD10小費)、一邊看電視、一邊嘆免費的飲品及生果
休息夠了，又上按摩房做個全身中式按摩+推油+拔罐 (HKD98/90min + HKD20小費)
按摩師手勢不錯，可是其實我是痛到死的……
如果下次再來，還是選泰式按摩好了
我實在受不了中式按摩那種不斷推到痛死你的感覺


記住呀！人地叫「鴻泰洋」唔係「大富豪」

晩飯去了「小肥羊」
實在念念不忘它的羊肉水餃及極品肥羊
三個人埋單HKD180
頂著肚子回家去~


這個湯底真的很吸引，聞到就流口水 =)...

北海道手信 - 咖喱腰果

好味指數：5個咀咀 (滿分)
(唔知香港有冇得買呢？)

美心冰皮

美心今年出了新口味的冰皮月餅
HKD$20兩個迷你的
這個是楊枝甘露味




麻麻地…

U are so SWEEEET

我的美容貼士

每日一支，大約HKD20
日本買會平d
飲左大半年，皮膚真係好左
冇咁乾亦冇咁易生暗瘡

加上每日飲起碼一公升日開水/淡茶，另吸收其他水份(e.g. 湯水，生果)
就唔會水腫，亦冇咁易暴肥囉~

護膚品方面呢…
經過咁多年
花左無數錢
試過各大名牌護膚品
我領悟到其實大部份護膚品的效果都差唔多
唔一定越貴越好
所以依家反樸歸真，只用中價產品：

(i) 落妝: Shu Uemura Cleansing Oil (Green)
- 夠徹底清潔，而且聽聞綠茶可以抗氧化。年紀大，要注意下咖喇~



(ii) 潔膚：Kiehl's Blue Herbal Gel Cleanser
- 針對油性皮膚; 洗完又唔會太乾


(iii) 精華素：SK-II Advanced Signs Treatment
- 又係因為年紀大之故，這product聲稱可以修皮膚細紋。我見佢大大樽都只賣HKD650，用到大半年咁抵，所以又試下囉…


(iv) 眼霜：Kiehl's Abyssine Eye Cream
- 可減眼紋。天生麗質，冇咁易有熊貓眼。但年紀大喇，所以要用d減眼紋的product。


(v) Lotion：Neutrogena Fine Fairness UV Block
- 美白好重要，所以多數選擇有防UV的lotion。不過依家用緊呢隻其實唔太o岩我用，有d"立"。下次要買d防UV加清爽保濕的…


(vi) Mask：Neutrogena Fine Fairness Deep Whitening Mask
- 得閒冇事做就會試唔同的Mask。呢隻係我一直都會用的。一來方便使用，敷完又唔駛洗。二來效果真係非常之好。極之保濕！價錢亦好吸引。係我的至愛！

通宵？No, thank you.

是夜工作量多得可怖
中更的同事們，大部份都要留低個幾兩個鐘清cases先走得
我今日返夜
以為好彩，長命功夫長命做
結果，還是要留多半小時，零晨三十分才可以回家

因為太多工作
上司搵人留低做通宵
我立時拒絕了
心想，縱使要遲些走
還是選擇不留下來做通宵

從前總是要跟同事調通宵更，喜歡返一日當兩日用
現在半個月沒有返通宵了
覺得心情比起從前更好
精神亦然
原來，有得返屋企訓覺的感覺是很好的 ^o^

得咗！

幾經辛苦
終於考到喇~

真係咁冇人性？

賢仔繼母被捕

點都係個小朋友o者，真係可以咁冇人性？

我記得早兩日報紙提到，賢仔繼母話要由奶奶家中帶自己個仔回家照顧，仲話：「容乜易連我個仔都斬埋咖！」

自己個仔就識得心痛
人地個仔就咁恨心？
呢d人邊有資格做人媽媽！