狂風狂雨釣墨魚？！

出發前只係天陰陰，一上船就落大雨直至落船…
是次夜釣墨魚活動變成雨夜遊船河。
面對黑媽媽的海面及滂沱大雨，唯有打麻雀、 唱K、吹水…
部份死心不息的同事們堅持釣墨魚，結果都有8隻墨魚仔加一條小魚仔收穫。

8條墨魚十幾廿個人點分呢？
結果分左俾船家囉。

雨

在機鐵上遇上了大雨。
列車高速地駛過。
雨點打在窗上的聲音很動聽。
沒法把那聲音傳給你，唯有送你這幅照片。

Full Moon

病人唔可以成日留o係屋企，應該將d病菌傳播開去。所以今日兩個病人，去左西貢履行感冒患者的使命…

嘻嘻…其實我地都好得七七八八喇~ 兩聲咳o者…咳！咳！

在碼頭附近漫步時，遇上了漂亮的月光。你睇！今晚個月亮幾咁皎潔！

寶島大吃大喝之旅 - Day 4

Day 4 行程：早餐@酒店 --> 行書店街 --> Lunch @ 有型Cafe --> 徹退

睇落最後一日好似冇乜節目咁。但請大家留意，第四日我地兩個人已經病得好嚴重，到達病入膏肓的境界。一個流鼻水發高燒，一個喉嚨痛發低燒…返得到香港趕得切睇醫生都好開心喇~


就在我地下塌的酒店附近 (即台北車站)竟然發現前晚饒河街夜市排大隊的胡椒餅專門店。仲要唔駛排隊有得食…可惜，我地太病喇！食唔到胡椒餅。 :(

Clamp小小Tips：
書局街有很多書店，大部份書籍都會有八折或以上。價錢比誠品平，但書店的裝璜就當然冇誠品咁靚咁舒適啦。如果要"hea"，都係誠品好"hea" D。


這條街有許多間特色的Cafe，我地揀左呢間藍色以希臘為主題的『陽光空氣花和水』


入面的佈置好靚，藍色做主調，我好鐘意喔~


呢度係一間Cafe，但都有提供主食。本來冇乜expectation，反而有好大驚喜。


鮮茄蟹肉意粉


白汁磨菇蜆肉意大利焗飯


天堂鳥汁


什果特飲

Clamp小小Tips：
台灣真的有好多呢d俾人hea足一個下午的型格Cafe，不過價錢唔算太便宜。

寶島大吃大喝之旅 - Day 3

Day 3 行程：早餐@酒店 --> 鼎泰豐試小籠包 --> 冰館食冰 --> 西門町行街食野 --> Dinner @青葉 --> 饒河街夜市


雖然香港都有鼎泰豐，到台北冇理由唔去比較下邊間好食d


一籠10隻，細細隻，兩個人o岩o岩好夠食


唔太識用筷子夾野的我，咁樣夾件小籠包都唔爛，好野!


照牌牛肉麵。好味道~


酸辣湯。同香港鼎泰豐的酸辣湯一樣，都係唔好飲o既!

Clamp小小Tips：
比較過後，覺得兩間鼎泰豐質素差唔多，小籠包真係好好味，之但係香港都食得到，何須到台北食呢？呢間台北店，大多數光顧的都是日本客。其實真係可以唔駛去。慳番呢餐，去食d香港食唔到o既野仲好。


鼎泰豐附近有間叫"冰館"的小檔。這裡的超級芒果奶冰(NT150)，好大份好好味喔~~~

Clamp小小Tips：
大量芒果加芒果汁加鍊奶加雪芭，真係好好好好好好好好味！仲有士多啤梨version。一樣份量十足咖！一定要黎試下。


西門町有許多美食，阿宗麵線就一定要試啦! 店舖只有一個counter仔，冇座位，個個托住碗麵線企o係街邊食，好有風味呀~


味道有d似碗仔翅。唔…我覺得碗仔翅好味d喎。


懷舊的楊桃冰。好解渴吓！


鴨肉扁NT250。鴨肉煮得好"林"好夠味道。讚！


鴨麵NT40。麻麻地…


甜不辣是台灣特色小食。有d似關東煮。


NT45。樣唔靚，但都幾好味。


青葉又是一間很出名的台菜館。


地瓜粥


菜甫蛋


炒豬潤


豆豉醬炒蚵仔

Clamp小小Tips：
青葉的客路都是日本客，價格略貴。但呢度d小菜都幾有風味，可以一試。


饒河街夜市。好多人呀~


這檔的藥燉排骨好多人幫襯咖！


味道有點似肉骨茶。湯幾好味，但d骨就冇乜肉味。


台式香腸，有好多味道揀…


這隻係沙茶味。病到傻傻地o既佢話好喎…


走到街尾，終於遇上傳說中非常好味的胡椒餅喇！


條人龍好長啊！鬼咩…十幾分鐘先出到五十個胡椒餅，梗係有人龍啦…


排左差唔多半個鐘，終於都買到喇~ NT40大大個。新鮮熱辣！好味道喔~

Clamp小小Tips：
個人認為饒河街夜市比士林更好行，一條街一直行，而且大多數檔口都有座位。不過饒河街夜市唔近捷運站，要轉的士先可以到達。

寶島大吃大喝之旅 - Day 2

Day 2 行程：早餐@酒店 --> 誠品書店 --> Lunch @ 度小月 --> 閒逛Cafe街 --> 京兆尹試京式甜點 --> 台北101 --> 淡水睇日落 --> Dinner @ 領事館 --> 享受溫泉@新北投春天溫泉酒店


這裡的誠品有五層，但24小時開放的只有2樓的書店。其他層樓是賣精品的。

Clamp小小Tips：
喜歡書的朋友，可以待在誠品一整天。可是這裡的書價並不便宜，價格跟香港差不多，亦不一定有折，建議遇上平時少見的書才買，其他的可以在台北車站附近的書店街買。


小店子。門口很美，內裡也裝修得很有型格。


甫進門，就發現右面有個舊式賣擔仔麵的小攤子，很有風味！


擔仔麵及肉燥飯。好好好好味~~~~而且好便宜，少於HKD10一份


鹵大腸。冇異味，鹵水好入味。正！


蒸肉圓。有d似潮州粉果，不過冇花生。


露笋沙拉。簡單的一道菜都做得這樣好味道，就足似為大家推介這間店子。讚！讚！讚！

Clamp小小Tips：
這頓lunch埋單只需約HKD150，好抵食！中午1時客人開始多，位子不太多，建議早點去食。


誰說台北下大雨呀？這天熱得人也快融了！買了一條雞蛋布丁雪條消暑，味道不錯喔~


便利店的人氣No.1飲品 - 玫瑰茶。酸酸的，似洛神茶多一點…


外形很吸引喔~ 入面的裝修也是很有京城宮廷的風味啊~


腕豆黃兒。約NT100


山楂榚。約NT90

Clamp小小Tips：
很少機會吃了傳統的京式甜點，這裡一定要去！


信義區像香港的中環/銅鑼灣，有許多名店及Shopping Malls。台北101大廈，點都要去睇下啦~ 裡面的Page One都幾大，英文書居多。4樓是食肆，也有個大廣場作為茶座。


淡水的日落。


這裡的日落，美麗在於有喜歡的人在身邊跟你一起欣賞。


在淡水海邊有間看到海的餐廳叫"領事館"，氣氛不錯。


我們就在這裡吃晚飯。

Clamp小小Tips：
近日"領事館"的廚房在維修，可以供應的食品不多。建議只去吃小點及飲野。晚餐就失色了點…

這天搭了許多程捷運，幸運地買到許多張幾米的車票。





Clamp小小Tips：
春天溫泉酒店雖然話已經開左幾年，但依然好新淨。是間好高格調的五星級酒店。每間房間都有溫泉浴缸，也有露天溫泉，住客可以免費使用一次。露天溫泉不算太大，只有約7個池，泉水都是相同的，而且這天有兩個池在維修…
可能是淡季，又是Weekdays，這個晚上，只有我們在露天溫泉浸泡，好爽喔~