減肥

跟老公做body check

醫生話佢超重廿幾磅

同事醒咗份減肥餐單俾佢

唔駛做運動，唔駛食藥

唔駛捱肚餓

大魚大肉

都可以十二日減十磅

老公好興奮咁扲番嚟俾我睇

仲圈住「肉類任食」呢幾個字

雙眼發光咁同我講：「我要減肥！」

本人對呢個餐單有d懷疑

但醫生朋友證實此餐單

確係俾準備做心臟手術o既病人食

就乖乖跟住餐單

日日煮俾老公食

食咗差唔多兩星期

老公肚腩仔係細咗

但又冇輕咗十磅咁誇張

老公話要試多一個cycle

睇吓係咪真係可以減到多餘果廿磅肥肉喎.....

可憐我晚晚放工趕返屋企

煮肉煮菜 (冇飯) 俾佢食

又怕佢覺得烚菜煎扒太寡而花盡心思

希望佢真係可以減到

而係Keep到啦~

明日餐單：清炒小棠菜、味菜炒牛肉 & 滷水辣雞亦

(當然唔少得仲有西柚半個)