好時沙嗲

忽然好想食星馬菜，上網睇睇有咩好介紹。
發現尖東好時中心的「好時沙嗲」大受好評，價錢又便宜。
決定今晚試試。

網友講得冇錯，
個商場真係冷清得好似Bio Hazard裡面的商場
不過在一樓轉了個暗角，你就會發現有間食肆坐滿人客
呢度就係「好時沙嗲」喇~

地方細細，大約只可以容納三四十個位。
有d枱仲擺喺商場走廊 (冇所謂啦，附近d舖都執哂粒)
環境氣氛就欠奉
食物方面又點呢？
以下係我地兩個人點的菜式：

(1) 肉骨茶 (藥味冇咁濃，d排骨明顯係雪藏貨。麻麻地…)
(2) 叻沙 (鮮味足。個湯底好夠味。不過朋友話，都係冇星加坡地道叻沙咁好)
(3) 海南雞飯 (去骨海南雞、雞油飯一碗、雞湯一碗、加三款醬料，只賣HKD35好抵喎！雞油飯好香，雞湯好鮮味。要求食雞胸，出奇地滑。美味喔~)
(4) 半打沙嗲 (三豬三雞本身已醃得好入味，沙嗲醬亦調得非常出色。必食之選！)
(5) 馬拉盞炒通菜 (馬拉盞味道濃郁，好味道~~~)
(6) 椰青兩個

埋單HKD198，好抵食！仲有好多款菜式想試，例如辣蟹汁炒蛋、椰汁飯、馬拉盞炒蘿蔔糕。
下次再去食過！